Kailan Gagamitin ang Emergency Department (ED)

Ang emergency ay nangangahulugang ikaw ay pwedeng mamatay kung ikaw ay hindi makakuha ng agarang pangangalaga. O ikaw ay permanenteng mapinsala (disabled). Basahin ang ibaba upang malaman kung kailan dapat gamitin — at kailan hindi dapat gamitin — isang departamento ng emergency (tinatawag ding ED).

Mga Panganib sa Iyong Buhay

Ito ang mga halimbawa ng emergency. Ang mga ito ay nangangailangan ng agarang pangangalaga:

• Hirap na paghinga

• Labis na pananakit ng dibdib

• Nabulunan (Choking)

• Labis na pagdurugo

• Biglaang pagkawala ng kakayanang gumalaw o makapagsalita

• Pagkahimatay (fainting)`

• Pagkalason

Mga Panganib ng Permanenteng Pinsala

Ito ang iba pang mga emergency: Ang mga ito ay nangangailangan din ng agarang pangangalaga:

• Malalim na hiwa o malubhang pagkasunog

• Baling buto, o labis na pananakit na biglaan at pamamaga ng kasukasuan.

Kapag Ito ay Isang Emergency

Kung ikaw ay mayroong emergency, sundin ang mga sumusunod:

1. Pumunta sa Pinakamalapit na ED

• Kung kaya mo, pumunta agad sa pinakamalapit na ED ng ospital.

• Kung hindi ka agad makararating doon, o kung hindi ligtas na dalhin ang sarili, tumawag sa 911 o sa numero ng emergency ng inyong pulis.

2. Tawagan Ang Iyong Pangunahing Doktor

• Sabihin sa iyong doktor ang tungkol sa emergency. Tumawag sa loob ng 24 oras ng pagpunta sa ED.

• Kung hindi makakatawag, mag-atas ng iba na maaaring tumawag para sa iyo.

• Pumunta sa iyong doktor (hundi sa ED) para sa anumang follow up na pangangalaga.

Kapag Ito ay HINDI Emergency

Kung ang isang problema ay hindi emergency, sundin ang mga sumusunod:

1. Tawagan Ang Iyong Pangunahing Doktor

• Kung hindi alam ang pangalan ng iyong doktor, tawagan ang iyong health plan.

• Kung hindi makakatawag, mag-atas ng iba na maaaring tumawag para sa iyo.

2. Sundin ang mga Tagubilin

• Ang iyong doktor ang magsasabi sa iyo ng mga dapat mong gawin.

• Ikaw ay maaaring sabihan na makipagkita sa iyong doktor kaagad. Ikaw din ay maaaring sabihan na magpunta sa ED. O ikaw ay maaaring sabihan na tumungo sa isang urgent care center.

• Sundin ang payo ng iyong doktor.